إدارة مشروعك_website size

إزاي مشروعك ينجح؟

-خلونا نتفق إن كلنا و بلا إستثناء جيه في دماغنا أفكار مشاريع، بغض النظر عن حجمها أو مجالها او الغرض منها، بس مع كل فكرة كانت بتيجي في دماغنا كان بيجي معاها دافع و حماس كبير إننا ننفذها،

و زي ما قولنا قبل كدة إن الفكرة مش في الفكرة، الفكرة في التنفيذ، في المقاله دي هنعرفكم كيفية إدارة و تنفيذ المشاريع .

الـProject Management “إدارة المشروعات” من ضمن العلوم اللي لازم تكون عارفها بغض النظر عن مجالك ..

بداية أي مشروع بتكون فكرة، و لأن مش كل الأفكار بتكون قيمة أو تستاهل التعب و المجهود و التكلفة، لازم الفكرة دي يتم دراستها بعناية كاملة، و هنا هيجي دور الخطوة الأولي في إدارة المشروعات ..

  1.  Project conception and initiation

في أول خطوة بيتم دراسة الفكرة بشكل كامل و معرفة إية الفوائد اللي الشركة أو الكيان دة هيستفاده من تنفيذ الفكره دي، و في الخطوة دي بيتم إتخاذ القرار، يعني مثلاً لو أخدنا إنشاء شركة Alphabet كمثال، أكيد الموضوع في الأول بدأ بفكرة،
بعد كدة الفريق المسؤول درس الفكرة بحرص شديد، وصل للـBenefits اللي هيستفادوا منها لو عملوا شركة Alphabet و خلوها الشركة الأم لـGoogle و غيرها من الشركات، إتأكدوا من إن الفكرة واقعية و ممكنة التنفيذ،
لو في الأخر إكتشفوا إن الفكرة غير واقعية و غير مجدية، كانوا هيوقفوا لغاية هنا و مش هياخدوا أي خطوات تانية.

في النقطة دي بيحصل تفاصيل كتير من حيث الأبحاث و المناقشان و إستطلاعات الرأي و ما الى ذلك، و في الخطوة دي برضوا بيتحدد هنكمل بقيت الخطوات ولا لأ و هنلغي فكرة المشروع بشكل كامل،

  2 . Project definition and planning
في الخطوة التانية و بعد ما تم التأكيد علي إن الفكرة في إحتمالية مش قليلة إنها تفيدنا بشكل من الأشكال، هيتم تنفيذ الخطوة التانية، و هي إنك تحط تعريف “Definition” للمشروع بتاعك، و اللي أكيد لازم يكون في نسخة مكتوبة منه بكل التفاصيل، تفاصيل عن الفكرة و الأهداف منها و المؤهلات اللي هتحتاجها عشان تقدر تنفذ مشروعك، و أولويات المشروع من حيث (إيه) يتنفذ قبل (إيه) و بالتأكيد الميزاينة “Budget” اللي هتحتاجها عشان تنفذ المشروع كام!

لو طبقنا دة علي أي شركة مثلاً، هنلاقي إنهم أكيد كتبوا تقرير مفصل عن المشروع و الأهداف منه و الخطوات اللي لازم تتاخد عشان مشروع ضخم زي دة يتنفذ و الـBudget اللي محتاجنها و كل الحاجات دي، و دة اللي مطلوب منك إنك تطبقه علي مشروعك،
و لازم تعرف إن الخطوة دي برضوا بيكون فيها تفاصيل كتير، لأنك لازم تبقي عارف كل حاجة إنت محتاجها .

  3 . Project launch or execution
الخطوة التالتة و بعد ما خلاص إتأكدت إن المشروع مُجدي و مفيد، و بعد ما عرفت اللي محتاجه من حيث المؤهلات و الـBudget و جهزت دة فعلاً و قدرت توصل للناس اللي عندها المؤهلات اللي محتاجها، و عرفت اية الموارد اللي هتستخدمها عشان تمول مشروعك .. الفاضل دلوقتي بقي هو التنفيذ و ترسم الخط الاول في المشروع،
اللي بيحصل في الخطوة دي إنك بتبدأ توزع الـTasks اللي لازم تخلص علي الـTeam بتاعك (اللي متوفر فيه المؤهلات اللي المشروع محتاجها) و بتبدأ تجمع معلومات عن المشاريع “المشابهه” لمشروعك عشان تعرف إية الحاجات اللي غيرك نفذها غلط قبلك و تتعلم منها، أو الحاجات اللي نفذها صح و تطور عليها و تنفذها ..

و بكدا إنت فعلاً بدأت تنفذ مشروعك، و إنت شبه متأكد إن الفكرة تستاهل، و معاك المؤهلات اللي إنت محتاجها، إستفدت من خبرة غيرك في المشروعات المشابهه، و معاك Resources لتمويل مشروعك …

 4 . Project performance and control
زي ما قولنا إن في الخطوة التانية هتكتب بالظبط أهدافك من المشروع لازم كل شوية تشوف إنت فعلاً بتقرب من الأهداف دي ولا إنت اصلاً ماشي في طريق غلط، هل فعلاً الطريق كامل للوصول للهدف ولا في حاجات ناقصة و محتاجة تكمل؟

و هنا بيجي دور الخطوة الرابعة من بعد التنفيذ، و هي إنت ماشي تبع الخطة ولا لأ؟
بتبدأ بتحليل كل النتائج اللي وصلتلها و تقيم الأداء العام للمشروع و هل فعلاً بدأ يظهر ليه فائدة و عائد ولا لأ .. و دة بإختصار لأنك ممكن جداً تكون غلط في الخطوة الأولي و التانية و التالتة، و تكتشف دة وإنت في الخطوة الرابعة بعد ما تشوف كل حاجة علي ارض الواقع، و هنا هضطر إنك تعدل حاجات في خطتك، تزود مؤهلات تانية أو تزود تمويل، أو تغير حاجات من القرارات اللي أخدتها في البداية و هكذا ..

 5 . Project close
في النهاية خالص إنت عملت كل دة لأنك مستني نتائج.. النتائج دي مش شرط تكون إيجابية، و مش شرط تكون سلبية !
في نهاية المشروع بتاعك أو مع ظهور النتائج الواضحة .. لازم جداً تقوم بعمل تقيم كامل للنتائج، و تـHighlight كل الغلطات اللي حصلت أسبابها و الإنجازات اللي حصلت و أسبابها برضوا!
و دة ببساطة لأن دي الخبرة اللي هتنفعك في مشاريعك اللي هتنفذها بعد كدة.. ممكن جداً تكون من اهم أسباب فشل أو نجاح مشروعك هو الناس اللي إشتغلوا معاك، كانوا كويسين كفاية او تم إختيارهم بشكل غلط! كل دة جايز . بس كلمة (جايز) مش مقبولة في الـBusiness .. عشان كدة لازم تبقي شبه متأكد من تحليلك لكل خطوة .

بإختصار شديد دي العملية بشكل كامل في إدارة المشروعات، و اللي أكيد بتختلف بشكل بسيط مع إختلاف الصناعات و المجالات ..

انشر تعليقك