tyytu

اكتب كود صح;

إزاي تكتب كود أحسن؟

بعد ما تخلص دراسة وتروح تشتغل في شركة كبيرة هيقابلك أكواد كتير مش إنت إلي كاتبها. الأكواد ديه هتبقى بالنسبة لك نوعين: الأول هتفهمه والتاني هتدعي على إلي كتبه 😀

عدد كبير من المتخصصين بيقيموا المبرمج بجودة أكواده مش بإنها شغالة ولا لأ وفي البوست ده هنحاول نقولكم إزاي ممكن حد يحسن كتابة الكود بتاعه.

1- اكتب كومنتات.
أكتر حاجة مهمة جداً وبتفرق مع المبرمجين إلي بيراجعوا أكوادك إنك تفهمهم إنت عامل كده ليه؟ والـMethod ديه بتعمل إيه؟

 

2- اثبت على Style.
لو بتكتب الـLoop بطريقة معينة، اثبت على الطريقة ديه. حاول تخلي أكوادك المتكررة في نفس الصفحة ثابته.

 

3- بلاش كومنتات ملهاش لازمة!

“اوعى تقع في فخ إنك تعمل لكل سطر كومنت، هتخلي إلي بيقرأ كودك يمل منه وغالباً مش هيكمل قراءتها”

 

4- الأسماء لازم تبقى منطقية.
حاول تخلي أسماء المتغيرات “variables” والدوال “Functions” ليها معنى، واهتم بالقواعد العامة إلي الناس ماشية عليها:
أ- الClasses بتبدأ بحرف Uppercase.
ب- الMethods أو الـFunctions بتبدأ بـLowercase.
جـ- لو عبارة عن كلمتين اكتب التانية جنب الأولى بدون مسافة ودائما أول كل كلمة بعد الأولى Uppercase.

 

5- استخدم الـCode Refactoring إلي موجودة في أغلب الـIDEs الجديدة.
في معظم البرامج بيبقى في أداة بتنظملك الكود بشكل تلقائي حسب الـStandards بتاعة اللغة، حاول تستخدمها كل مجموعة سطور.

 

6- ابعد عن الـDeep Nesting.
بلاش تعمل مثلا 6 if Conditions جوه بعض لو ممكن تعملهم تحت بعض، ابعد بقدر الإمكان عن Nesting الزيادة عن اللزوم.

 

7- جمع الأكواد المتشابهة مع بعض.
لو عندك مجموعة سطور بتعمل هدف معين بلاش تكتبهم تحت بعض كده، اعملهم في Method أو Function وسميها باسم الهدف من الأكواد ديه.

 

8- اتفرج على أكواد Open Source.
إلي هيخليك مميز في كتابة الأكواد إنك تعرف هي المفروض بتتكتب إزاي، فحاول تدخل على مواقع عليها أكواد واتفرج على الDevelopers الكبار وإلي عاملين أكوادهم علشان الناس يتفرجوا عليها بيكتبوها إزاي.

 

انشر تعليقك