OPEN IT شركة مهتمة بالتعليم والتكنولوجيا، معتمدين فى ده على نشر فلسفة الأوبن سورس، تعليم اللينكس والكودينج

السنه ونص “هايبر لينك بيودي للتاب بتاعت البرتفوليو” اللي عدت كنا بندرس السوق والطلبه/المتدربين ف 20 محافظة مختلفة من إسكندرية لأسوان ..

وقدرنا نلخص اللي وصلناله عن طريق التعامل مع حوالى 2000 طالب في شويه نقط … زى

  • – ان التعلم بيحصل نظرى ومنفصل عن التجارب الحقيقية
  • – ان الناس بتتعلم الداوت قبل العلوم نفسها ومنطقها
  • – ان الناس بتتعلم عن الحاجات “ازاى” مش بيتعلموا “ليه؟” ولا “ايه”

زى انك بتتعلم عن الحاجة ازاى تشغلها بس مبتعرفش هى ايه فعليا ولا تاريخها ولا مراحل تطورها ولا بتعرف مكوناتها مثلا

عشان كده Open it فيها مناهج مُعدة خصيصًا لتلبية إحتياجات المتدربين بحيث يتطابق اللى بيكتسبوه من خبرات وطرق تفكير وتعامل مع العقبات مع اللى الشركات محتاجاه ﻷننا معتمدين على نقل خبرات وتجارب حقيقية مش نقل علم أو معرفة نظرية وبنزبط ده عن طريق الإجتماع بشركات ف المجال وحصر متطلباتهم ومعرفة إحتياجات السوق

التدريبات التي نقدمها

حقيقة مثبتة منذ زمن طويل وهي أن المحتوى المقروء لصفحة ما سيلهي القارئ عن التركيز على الشكل

  • end user
  • Linux admin1
  • geek end user
  • linux admin2

السر ورا Open it

فى 2009 لما قفلت معايا أخد تدريب لينكس، مكانش معايا فلوس، بس كان عندى خطة واضحة بالتواريخ وماينفعش يحصل فيها تاخير

كنت بشتغل فى صيانة الاجهزة الطبية فى شركة فى صلاح سالم من 1 الظهر لـ 9 بالليل، وكان فاضلى 3 إمتحانات فى أخر سنة تالتة من الكلية .. كان لازم اتصرف فى فلوس، خطتى ما ينفعش تبوظ .

اشتغلت عامل فى محل بيتزا وفطير\" لامور\" فى شارع موازى لشارع مصر والسودان فى حدايق القبة من الساعة 9 ونص بالليل للساعة 7 الصبح \"18 ساعة شغل يومياً\" كنت بروَّح و أنام وأغسل هدومى وأذاكر للـ 3 إمتحانات وأمتحن، من الساعة 7 الصبح للساعة 1 الظهر \"6 ساعات\"

استمر ده لمدة شهر واسبوع، لحد بطريقة ما، حققت حلمى وزيادة

بعد اقل من 4 شهور من اول يوم شغل ليا كعامل فى محل بيتزا، كنت واقف فى الـ ITI بدرس ادارة سيرفرات لينكس لـ 5 موظفين فى قسم الـ IT من هيئة الإستشعار عن بعد وعلوم الفضاء وأنا لسة مادخلتش سنة رابعة فى الجامعة

حد عِرف انا بلف مصر بعجلة واعلم الناس ليه ؟
دي قصة صغيرة عن واحد قرر يغير في منظومه التعليم الحاليه .. والنتيجة كانت Open it
لو عندك قصة .. ابعتهلنا حالاً هنا


ابعتلنا قصتك
Image

المدربين و فريق العمل

Yehia Elkordy

يحيى الكردي

موظف سابق بالنيابة العامة، ف شهر 7 2009 بدأت أحاضر قدام أعداد كبيرة، بعد كده بدأت التدريب على تخصصات ليها علاقة بالIT، لمدة خمس سنين طورت فهمى للعملية التعليمية، سيكلوجية الطلبة، إحتياجاتهم ف المراحل المختلفة، كمان طورت طرقى الخاصة لإعداد المناهج و إختبارها، الماتريال، تدريب المدربين/المعيدين وتقييم التدريبات والمحاضرات


أخر سنة ونص لفيت مصر بعجلتى، 20 مدينة عشان أتعامل مع أكبر عدد ممكن من أساتذة الجامعة والطلبة، مع الجامعات والمدارس ومراكز التدريب دربت حوالى 2500 من الطلبة من سن 11 ل 60 سنة، منهم حوالى 1300 بشكل مباشر ما بين 3 أيام و 7 أيام سواء ف تدريبات أو معسكرات كاملة

تابعني

تابعني على الشبكات الاجتماعية