11188223_458417017667952_2532008295248368594_n

ما لا تعرفه عن محرك البحث Google ؟

ما لا تعرفه عن محرك البحث Google ؟

مفيش حد مابيستخدمش Google بشكل يومي سواء في شغلة علشان يبحث عن معلومة معينة أو في دراسته علشان يتعلم حاجة أو علشان يبحث عن أي حاجة تانية مش شرط شغل أو دراسة , ولكن معظمنا بيستخدم إمكانيات قليلة جدا من الإمكانيات اللى موفرها Google في محرك البحث الخاص بيه .

في بعض ال Tricks اللى كتير مش عارفينها واللى ممكن لو استخدموها تكون نتائج البحث اللى هتظهرلهم أكثر إفادة ويقدروا فعلا يوصلوا لنتائج أفضل .

أول حاجة هنتكلم عنها وهي إمكانية البحث في موقع معين من خلال Google .
بمعنى إنك تقدر تدخل على موقع Google وتكتب في الخانة المخصصة للبحث الجملة دي site:youtube.com open source كده إنت بتقول ل Google إعملي بحث عن ال Open Source وهاتلي النتائج من Youtube وتقدر تعمل ده مع أي موقع هتدخل على جوجل وتكتب Site:Website domain Keyword .

تاني حاجة دي هتفيد أكتر الناس اللى بتحتاج إن نتائج البحث اللى تظهر ليها تكون حديثة يعني مثلا ممكن تيجي تبحث عن حاجة هتلاقي نتائج البحث أحيانا من سنة ويمكن أكتر وطبعا ده ماينفعش وخصوصا مع الناس اللى شغاله في مجال التكنولوجيا لأن كل يوم في جديد فهيحتاجوا الموضوع ده جدا وده بيتم كالآتي إنك هتعمل بحث عادي على كلمة ما زي Big Data اللى اتكلمنا عنها في الموضوع ده هتبحث عن الكلمة وهتزود الجزأ الآتي على ال Url :

tbs=qdr:h وده هيجبلك النتائج اللى اتكتبت في آخر ساعة عن الموضوع
tbs=qdr:d النتائج اللى اتكتبت في آخر 24 ساعة عن الموضوع
tbs=qdr:w النتائج اللى اتكتبت في آخر إسبوع عن الموضوع
tbs=qdr:m النتائج اللى اتكتبت في آخر شهر عن الموضوع

تالت حاجة وهي من الحاجات المهمه جدا هي المقارنة لو عاوز تقارن بين منتج عاجبك أو موقع أو شركة و منتج الشركة المنافسة ولكن انت مش عارف إيه المنافس للحاجة دي أو مش عارف إيه ممكن يكون زيها علشان تقارنه بيه وليكن مثلا أنا بقولك ال Linux حلو فانت مش عارف إيه نظيرة أو حلو بالنسبة لإيه أو إيه المنافس ليه فهتكتب في جوجل ‘linux vs’ أو تشيل بقى كلمة Linux واكتب أي كلمة إنت عاوز تقارنها بحاجة تانية .

رابع حاجة وهي من الحاجات المهمه جدا فكرة الاقتراحات البديلة يعني إنت ممكن تكتب في Google جملة معينة زي how to linux mint وتقف بالماوس بين كلمة To وكلمة Mint وGoogle هيعرض عليك أكتر من كلمة كا إقتراح يساعدك في البحث بتاعك .

خامس حاجة واللى من وجهة نظري ممتعه وعجبتني و جربتها كتير جدا 😀 وهي Search by Voice ودي تقدر تقول إنت الكلمة و Google هيبحث عنها يعني مش هتكتب حاجة إنت فقط هتضغط على علامة المايك اللى موجوده في مربع البحث الخاص ب Google وتقول Free Software مثلا هتلاقية جابلك نتائج للكلمة دي .

إيه تاني تعرفوه عن Google Search ؟

انشر تعليقك